Siyam ka mga indibidwal, patay samtang ang 11 ka iban pa pilason sa pagpangluthang sa Bondi Beach, Australia

Patay ang siyam ka mga indiwal samtang pilason ang 11 ka iban pa matapos sang pagpangluthang sang duha ka mga armado nga lalaki sa Bondi Beach, Australia sang Dominggo, Disyembre 14.

Suno sa mga kapulisan, yara na sa kustodiya ang mga suspek, kun sa diin ang isa yara sa kritikal na kondisyon matapos nga napilasan engkuwentro sa mga awtoridad.

Gintawag ni Prime Minister Anthony Albanese nga makakulugmat kag makahangawa ang nasambit nga insidente.

Nagapadayon pa sa subong ang imbestigasyon sang mga kapulisan kag wala pa sang may ginpagwa nga motibo sa likod sang pagpangluthang.