ROXAS CITY-Naglab-ut na sa 89 ang kabug-osan nga kaso sang Coronavirus Disease ukon COVID-19 sa Capiz matapos narekord ang dugang nga 9 ka panibag-o nga kaso subong nga adlaw.
Sandig sa ginpaguwa nga case bulletin sang Provincial Health Office ukon PHO isa ka 31-anyos nga lalaki nga Locally Stranded Individual ukon LSI nga residente sang banwa sang Tapaz ang nagpositibo kag travel history sa Taguig City, Metro Manila.
Ika-duha ang 31-anyos nga babayi nga LSI nga residente sang banwa sang Dumalag nga may yara sang travel history sa Las Piñas, Metro Manila.
Ika-tatlo ang 31-anyos nga babayi nga LSI nga residente sang banwa sang Pilar nga may yara sang travel history sa Montalban, Rizal.
Ika-apat ang 7 ka bulan nga lapsag nga babayi nga LSI nga residente sang banwa sang Pilar nga may yara travel history sa Montalban, Rizal.
Ika-lima ang 56-anyos nga babayi nga LSI nga residente sang banwa sang Pilar nga may yara sang travel history sa Montalban, Rizal.
Ika-anom ang 6 ka tuig nga babayi nga LSI nga residente sang banwa sang Pontevedra nga may yara sang travel history sa Pasig City, Metro Manila.
Ika-pito ang 40-anyos nga lalaki nga LSI nga residente sang banwa sang Pontevedra nga may yara sang travel history sa Pasig City, Manila.
Ika-walo ang 29-anyos nga babayi nga LSI nga residente sang banwa sang Pontevedra nga may yara sang travel history sa Caloocan City, Metro Manila.
Ika-siyam naman ang 25-anyos nga babayi nga ROF nga residente sang banwa sang Maayon nga may yara sang travel history sa Qatar kag Metro Manila.
Sa nasambit nga numero, 52 diri ang active cases, 35 ang narekober kag duha naman ang ginbawian sang kabuhi.
