Siyam ka tuig nga bata, patay matapos nabungguan sang jeep

Patay ang siyam ka tuig nga bata nga babaye matapos nabungguan sang depasahero nga jeepney sa syudad sang Cagayan de Oro.

Pilason man ang driver sang jeepney matapos ginkastigo sang pial ka mga tawo.

Base sa imbestigasyon sang kapulisan, ginaalegar nga nadulaan sang preno ang jeepney rason nga nabungguan ang bata nga nagatabok.

Wala naghatag sang pahayag ang driver nga posible magapangatubang ini sang reklamo sang reckless imprudence nga magaresulta sa homicide.

Samtang, gindala naman sang pamilya ang bangkay sang bata sa Lanao del Sur agud ilubong.

Ginalauman man nga magabalik ang iya amay sa CDO agud magpasaka sang reklamo batok sa driver