ROXAS – Patay ang isa ka Sangguniang Kabataan (SK) Chairman matapos nagbunggo sa naka-park nga trak ang ginamaneho sini nga salakyan sa Barangay Poblacion Sur, Sigma, Capiz.
Ginkilala ang biktima nga si Jose Darel Federiso, 25 anyos, residente kag SK chairman sang Barangay San Roque, sa banwa sang Dumalag.
Nagaguwa sa inisyal nga imbestigasyon sang Sigma Municipal Police Station nga naghalin ang biktima sa siyudad sang Roxas kag padulong kuntani sa banwa sang Dao sang bumunggo ang salakyan sini sa naka-park nga trak nga sakay ang driver nga si Shem Palma sang Barangay Bitaogan, Passi City, Iloilo.
Ginapahayag nga naglusot ang salakyan sang biktima sa idalom sang trak rason nga nag-angkon sang mga patal nga pilas sa lawas si Federiso nga nagresulta sa iya kamatayon.
Gindala pa ini sa ospital apang gindeklarar nga dead on arrival.
