60 ka adlaw nga suspensiyon ang paga-atubangon sang SK Chairman sang Poblacion Sur Sigma Capiz nga si John Lynnel Alayon matapos aprobahan ang resolution sang Sangguniang Bayan sa banwa sang Sigma.
Matandaan nga ginreklamo ni Poblacion Sur Punong Barangay Ma. Shellane Palomar si Alayon matapos gingamit sa personal ang budget sang SK council.
Matapos mabaton ang sabat ni Alayon nakitaan ini sang probable cause rason nga nagdesisyon ang Sangguniang bayan nga ipapanaog ang preventive suspension kay Alayon sang duwa ka bulan kag wala sang sweldo nga pagabatunon.
Si SK Chairman John Lynnel Alayon sang Pob. Sur Sigma Capiz ang ika duwa nga Sk Chairman nga nabutang sa kontrobersiya matapus nga gingasto ang budget sang Barangay kapareho sang anay SK Chairman sang Pagbunitan Sigma.
