SK Chairwoman sa isa ka barangay sa banwa sang Ivisan, ginreklamo sang iya mga SK Kagawad

ROXAS CITY – Nagpalab-ot sang reklamo sa Bombo Radyo Roxas ang pila ka mga SK Kagawad batuk sa ila SK Chairwoman sa isa ka barangay sa banwa sang Ivisan, Capiz.

Sa interview sang Bombo Radyo sa wala na ginhingadlan nga SK Kagawad ginakwestyon nila kun sa diin nagkadto ang P300,000 nga pondo para sa ila nga barangay.

Magluwas diri, wala man nagapakigsapol ang nasambit nga SK Chairwoman sa adlaw sang ila nga session.

Bangud diri, nagaplano ang mga SK Kagawad nga petisyunan kag ipalab-ot sa talatapan sang DILG ang ginahimo sang nasambit nga opisyal.

Mahibaluan nga ang nasambit nga pondo ang gamiton kuntani para sa mga kinahanglanon subong nga pandemya sa ila nga barangay.