ROXAS CITY – Ginsulod sang wala makilan-an nga kawatan ang isa ka Skincare center sa Arnaldo Blvd., Barangay Inzo, Arnaldo, Roxas City.
Sa impormasyon nga nakuha sang Bombo Radyo nagikan sa Roxas City PNP, ginpahayag nga suno kay James Beltran, front desk officer sang amu nga establisyemento ginpahayag sini nga sa iya pagsulod natalupangdan sini niya nga wasak na ang doorknob sang pirtahan sa likod nga bahin kag sa iya pagtsekyar nakit-an sini ang wasak na nga cash box kag naga-ululukay ang kagamitan.
Mahibaluan nga nataban sang kawatan ang P20,000.00 nga cash kag isa ka unit sang cellphone nga nagabalor sang P6,000.00.
Sa karun, padayon pa ang imbestigasyon sang mga kapulisan agud matumod ang pagkakilanlan sang suspek pinaagi sa kuha sang CCTV sa lugar.
