LINAMPONGAN, Pontevedra, Capiz – Arestado ang isa ka Street-Level Individual “SLI”, matapos makuhaan sang iligal nga armas-luthang kag iligal nga droga sa Sitio Proper, Barangay Linampongan, Pontevedra, Capiz.
Ginkilala ang suspetsado sakay alias Jay, 30-anyos, isa ka mekaniko, kag residente sang Barangay Ilawod, Pontevedra, Capiz.
Sa interview sang Bombo Radyo kay Police Captain Maria Fe T. Umiten, Officer in Charge sang Pontevedra Municipal Police Station, iya ginpahayag nga pasado alas-7:55 sang gab-i, Agosto 12 natigayon nga ma aresto ang suspek sa bulig sang impormasyon nagikan sa isa ka concerned citizen nga may isa ka lalaki nga nagalakat sa lugar samtang nagadala sang armas-luthang sa nasambit nga lugar.
Suno kay PCPT Umiten lakip sa nakuha sa posisyon sang suspek ang 38 caliber revolver, kun sa diin dokumento ukon permiso nga nagahatag sa iya sang kinamatarong nga mag-angkon sang amo nga armas.
Dugang pa sa nakuha ang isa ka heat-sealed transparent plastic sachet bilang isa ka crystalline substance nga ginapatihan nga shabu, nga may kabug-aton nga ginabanta 3 grams kag may Standard Drug Price ukon SDP nga P20, 400.
Sa karon paglapas sa Republic Act 10591 ukon Comprehensive Firearms and Ammunition Regulation Act kag Republic Act 9165 ukon Comprehensive Dangerous Drugs Act of 2002 ang kaso nga ginaatubang nga kaso sang suspek.
