Arestado ang isa ka lalaki sa ginpatigayon nga drug buy-bust operation sa Rizal Street, Barangay VII, Roxas City.
Ang arestado amo si alyas John, 32-anyos, Street level individual, residente sang nasambit nga lugar.
Sa interview sang Bombo Radyo kay Police Lieutenant Colonel Rogelio L Tomagtang Jr., Chief of Police sang Roxas Component City Police Station, iya ginpahayag nga arestado ang nakaagi naman preso may kaangtanan sa iligal nga droga.
Suno kay Tomagtang, na-recover sa arestado ang apat ka sachet sang suspected shabu nga may kabug-aton nga 1.3 grams nga may standard drug price nga P47,600.
Sa subong, yara na sa kustodiya sang Roxas City Police Station ang subject person kag magapangatubang sa kaso nga may paglapas sa Republic Act 9165 ukon Comprehensive Dangerous Drugs Act of 2002.
