Pagapasakaan na sang kaso ang isa ka street level individual nga nadakpan sa ginkasa nga drug buy-bust operation sa Barangay Baybay, Roxas City.
Ang subject person amo si alyas Lor, 50-anyos kag tumandok sang San Juan Dos Lapasan, Ozamis City apang temporaryo nga nagapuyo sa Barangay Baybay, Roxas City.
Sa interview sang Bombo RAdyo kay Police Lieutenant Colonel Rogelio Tomagtang Jr., Officer in charge sang Roxas Component City Police Station, iya ginpahayag nga ang nasambit nga operasyon ang ginpangunahan sang Station Drug Enforcement Team (SDET).
Nakuha sa subject person ang 3 ka heat-sealed transparent plastic sachets sang ginapatihan shabu nga may standard drug price nga P13,600.
Sa subong, yara sa kustodiya sang Roxas Component City Police Station ang subject person nga magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
Nagpasalig naman ang natungdan nga magapadayon ang ila nga kampanya batok sa iligal nga droga agud mapabilin ang kalinong kag katawhay sang palibot.
