Napasakaan na sang kaso nga RA 10591 ukon Comprehensive Firearms and Ammunition Regulation Act kag RA 9165 ukon Comprehensive Dangerous Drugs Act of 2002 ang Street Level Individual ukon “SLI”, nga nakuhaan sang armas luthang kag iligal nga droga sa Brgy. Binuntucan. Pontevedra. Capiz.
Ang suspetsado amo alias Mark, yara sa legal nga pang edaron, kag residentente sang nasambit nga lugar.
Sa interview sang Bombo Radyo kay Police Captain Mark Anthony M. Garcia, Officer in Charge sang Pontevedra Municipal Police Station, iya ginpahayag nga arestado ang nakuhaan sang armas luthang kag anum ka sachet sang suspected shabu.
Suno kay Garcia, naglab-ot sa 30 grams ang kabug-aton sang suspected shabu kag may standard drug price P204.000
Nagpanawagan man ini sa publiko nga likawan gid ang pag-intra sa illegal droga.
