Slow Food Pop-up Earth Market, daku ang mabulig sa pagpakilala sang lokal nga produkto sang probinsya sang Capiz

Daku ang mabulig sang Slow Food Pop-up Earth Market sa pagpakilala kag pagpromote sang mga lokal nga produkto sang probinsya sang Capiz.

Sa interview sang Bombo Radyo kay Dr. Harold Buenvenida, Chairman kag Spokesperson sang Slow Food Community, iya ginpahayag nga sentro sang programa ang pagpakita sang preska nga lokal nga patubas, tradisyonal nga pagkaon, kag handcrafted products.

Suno kay Buenvenida, prayoridad man sang programa ang mga mangunguma, food producers, negosyo, kooperatiba, kag community groups halin sa Capiz, Iloilo, kag Aklan.

Nagalaum ang Slow Food Community nga paagi sa amo nga programa, mas makilala kag masuportahan pa ang lokal nga mga produkto kag mga nagapangabuhi paagi sa sini.