Isa ka Smart underwear nga may sensor nga awtomatiko nga nagatakus sang masami naga-utot ang ginhimo sang mga researcher agud makabulig sa pagtuon sang gut bacteria kag digestive health.
Ang University of Maryland ang nagpanguna sa proyekto nga nagatakus sang hydrogen gas nga ginapaguwa kon naga-utot ang isa ka tawo.
Sa una nga pagtuon, nagguwa nga naglab-ot sa average nga 32 ka beses ang pag-utot sang mga participant sa sulod sang 12 ka oras.
Apisar nga wala pa ini ginakabig nga medical device, ginakabig ini sang mga eksperto nga makabulig sa pag-diagnose sang mga tawo nga naga-eksperyensya sang heartburn, sakit sa tiyan kag sobra nga gas.
Apang, kinahanglan ang dugang nga pagtuon antes ini magamit sa pagkilala sang partikular nga mga balatian.
