Sulod na ang San Miguel Beermen sa quarterfinals matapos nila mapierdi ang Terrafirma Dyip sa score nga 126-110 sa PBA Commissioner’s Cup sa Ninoy Aquino Stadium.
Bisan nag-una ang Terrafirma sa umpisa sang duwa, nakabawi dayon ang San Miguel pinaagi sa mabaskog nga performance ni Bennie Boatwright kag June Mar Fajardo. Nagtapos si Boatwright nga may 33 points, 10 rebounds kag pito ka assists, samtang si Fajardo may 30 points kag 16 rebounds.
Bangud sang kadalag-an, nagsaka sa 6-5 ang rekord sang San Miguel kag opisyal nga nakasulod sa playoffs, samtang nawad-an naman sang tsansa ang Terrafirma nga makasulod sa top eight matapos magnubo sa 4-7 ang ila rekord.
Suno kay San Miguel head coach Leo Austria, importante gid ang ila duwa kontra Terrafirma gani ginpabug-atan niya sa team nga indi ini dapat mapabay-an.
