Soccer player sa Peru, patay matapos na-igo sang kilat

Patay ang Peruvian local league soccer player sang Familia Chocca team matapos naigo sang kilat kadungan sang ila nga hampang sa Huancayo.

Suno sa report sang Peruvian state news agency nga Andina, ginpauntat ang hampang bangud sa kilat.

Apang samtang nagapagwa na ang mga ini sa field, naigo sang kilat ang player nga si Hugo de la Cruz Meza, 39-anyos.

Magluwas diri, nagkalasamaran man ang iban pa gid nga mga players.

Gilayon naman ang mga ini nga gindala sa malapit nga ospital sa diin isa ang kritikal bangud sa paso nga naangkon.