Social Media sa Indonesia, ginadumilian sa mga kabataan nga 16-anyos panubo

Pagadumilian sang Indonesia ang paggamit sang social media sang mga kabataan nga wala pa sa 16 anyos.

Suno sa Communications and Digital Minister nga si Meutya Hafid, sugod Marso 28, amat-amat nga i-deactivate ang mga social media account sang mga bata nga manubo sa 16 anyos sa mga ginatawag nga “high-risk platforms.”

Lakip sa mga platform nga apektado ang TikTok, Facebook, Instagram, kag Roblox.

Ginpaathag ni Hafid nga amat-amaton ang pagpatuman sini tubtob nga masiguro nga masunod sang tanan nga social media platforms ang bag-o nga patakaran sang gobyerno.