Nagtaliwan na sa edad nga 24-anyos ang South Korean actress nga si Kim Sae-Ron, suno sa report sang mga Korean media sang Pebrero 16.
Ang nasambit nga aktres, nga sang damlag lang nagguwa sa isa ka series nga ”Bloodhounds”, nasapwan nga wala na sang kabuhi sa iya nga apartment sa Seongdong-gu, Seoul.
Suno sa The Korea Herald, nasapwan ang lawas ni Kim sang iya nga abyan, nga gilayon nagtawag sa mga awtoridad alas 4:50 kahapon. Ginsiguro sang pulisya nga wala sang palatandaan sang break-in kag padayon sila nga nagapatigayon sang imbestigasyon agud matumod ang rason sang iya nga kamatayon
Ginbun-ag ini sadtong 2000, nagsugod si Kim bilang aktres sadtong 2009, nga naghatag ligwa sa aktres sang iya karera sa industriya. Madasig ini nga nagsikat bangud sa mga madinuagon niya nga papel sa pelikula nga ”The Man from Nowhere” (2010) kag ang makatindog balahibo nga ”The Neighbor” (2012), nga naghatag sa iya sang kasikatan.
Ang pinakaulihi nga proyekto ni Kim amu ang ”Bloodhounds” nga ginpaguwa sadtong 2023, nga nakakuha sang atensyon gikan sa mga fans kag kritiko sini. Apang nag-untat ang iya nga karera sa pag-arte sang matabo ang isa ka car accident sadtong Mayo 2022. Daku ang epekto sang nasambit nga insidente kag nagpangatubang ini sa mga legal action.
Samtang sadtong Abril 2023, ginpabayad si Saeron sang korte sang multa nga 20 million won ukon mas ukon menus $13,850 nga nagmarka sa aktres sang pag-untat sang iya nga career.
