Nangayo sang pasaylo si South Korean President Yoon Suk Yeol nga may kaangtanan sa deklarasyon sini nga emergency martial law sang gab-i sang Martes, Disyembre 3.
Ginhimo sang SoKor President ang nasambit nga tikang pila ka oras bag-o ang plano sang lawmakers nga pagbotohan ang iya posible nga impeachment subong nga adlaw sang Sabado.
Sa iya public apology, gin-ako ni Pres. Yoon nga ang iya deklarasyon sang emergency martial law ang bangud sang iya desperasyon bilang presidente nga nagapamuno sa state affairs. Apang, nagtuga suno ini sang pagkabalaka kag pagka-delay sa publiko. Kaangtanan sini, nangayo ini sang pasaylo sa mga pumuluyo nga sobra ginkakibot sa natabo.
Maisog naman nga ginhayag ni Pres. Yoon nga iya pagaatubangon ang legal kag pulitikal nga panabat sa iya pagdeklarar sang martial law.
Ginhagan man sang SoKor President ang mga pagkabalaka sa ginapahayag nga panibag-o nga deklarasyon sang martial law kag gin-athag nga indi na matabo liwat kag indi na magkaduha pa nga martial law.
Gin-ako man sang ila partido kag gobyerno ang responsibilidad para sa pamamahala sang state affairs.
Nagkop naman ang speech ni Pres. Yoon sang indi nagpahayag sang iya pagbuya halin sa pwesto kun sa diin ginpaubaya sini sa iya Partido ang paghimo sang mga tikang agud ma-stabilize ang political situation sa ginapangatubang kalakip ang iya nga termino bilang presidente.
