Nag-angkon sang wala-tuo nga reaksyon si South Korean President Yoon Suk Yeol kasunod sang ginhimo nga pagdeklarar sang martial law kag gilayon man nga ginbawi ini.
Pila sa mga kaalyado sang nasambit nga pungsod ang nagpakita kag nagpahayag sang pagkahangawa sa ginhimo sang pangulo.
Kalakip diri si Swedish Prime Minister Ulf Kristersson nga nakatalana kun tani nga magbisita sa SoKor para sa isa ka summit subong nga semana. Matapos ang ginhimo ni Yoon, ginkaselar sang Swedish PM ang iya nga biyahe.
Mangin ang US ang nagdesisyon naman nga kanselahon ang nakatalana nga military exercise sa South Korea.
Ginsundan man ini ni anay Japan PM Yoshihide Suga nga nakatalana man nga magpadulong sa SoKor sa tunga-tunga sang Disyembre apang ginkanselar niya man ini kasunod sang deklarasyon ni SoKor Pres Yoon.
Sa karon, suno kay Japanese Prime Minister Shigeru Ishiba, ginabantayan nila ang sitwasyon sa SoKor kag ang posible nga epekto sini sa mga kaiping nga pungsod kasubong sang Japan.
