-- ADVERTISEMENT --
PONTEVEDRA, CAPIZ -Ginpadangat sa Bailan District Hospital ang 17-anyos nga solterito matapos ginbuno sang wala makilala nga suspek nga nakaupod sa kalduhan sa Barangay Bailan, Pontevedra, Capiz.
Ba-se sa imbestigasyon sang Pontevedra PNP nga magkaupod nga nagakaon sang kaldo sa atubang sang Bailan District Hospital ang biktima nga residente sang Barangay Malag-it, Pontevedra, Capiz kag ang suspek nga ginhangkat sini sang away.
Nagpauli ang suspek apang sa pagbalik may dala na nga kutsilyo nga ginbuno sa biktima.
Madasig man nga nagpalagyo ang wala makilala nga suspek matapos ang insedente.
