ROXAS CITY – Tuman ang kakulba nga nabatyagan sang 17-anyos nga lalaki matapos ginpugos sang ginaalegar mga pulis nga ginapasuni subject sa buybust operation sa Arches Subdivision, Barangay Inzo Arnaldo Village, Roxas City.
Ini ang ginpahayag sang menor de edad sang ma-interview sang Bombo Radyo Roxas.
Ba-se sa panaysayon ni Alyas Roy nagahampang sila ni Alyas Dandan sang basketball sa bakante nga lote sa nasambit nga lugar sang ila matalupangdan ang mga motorsiklo nga nagabalik-balik.
Apang ginkakibot na lamang sang menor de edad sang may nagpondo nga itom nga salakyan kag naghinyo nga updan sila sa abyan sini nga isa ka drug personality nga ila pagadakpon.
Apang sang nagpamalibad si Alyas Roy gilayon ini nga gintutokan sang armas kag ginpilit nga mapasulod sa salakyan.
Apang sa pagpanginpadlos sini, napaslawan ang apat ka mga lalaki nga mapasulod ini sa salakyan.
Natabuan man nga nakakuha sang atensyon sa mga residente ang pagpwersa sang mga lalaki kay Alyas rason nga ila ginkuhaan sang video ang nasambit nga insdente.
Sang nakita naman sang mga lalaki nga madamo na ang nagakuha sa ila sang video, gilayon nila nga ginbuy-an si alyas Roy.
Kasunod sini nagpalapit sila sa gate sang balay ni Roy kag naghinyo nga pasudlon sila.
Apang nagpamalibad ang lola ni Roy rason nga nagbiya na lamang sila sa lugar.
Samtang ginkumpirma sang isa ka residente nga yara sa lugar sang nagluntad ang hitabo nga pulis ang nagtutuk sang armas kay alyas Roy, ini sa pihak nga may tabon ini sa iya nawong.
