Solterito, patay matapos nakuryente sa banwa sang President Roxas

Patay ang 11-anyos nga solterito matapos nga nakuryente sa sulod sang ila balay sa Barangay Ibaca, President Roxas, Capiz.

Sa inisyal nga impormasyon nga nakuha sang Bombo Radyo, ginapahayag sini nga gina-alegar nga nagacharge ang biktima sang hinali nalang nga naglupok kag nadiparahan nalang nga nakuryente na kag nagakurog ang amo nga solterito.

Matapos ang hitabo, madasig ini nga ginpadangat sa RHU-President Roxas ang biktima para sa pauna nga pagbulong.

Gintinguhaan pa nga madala sa pinakamalapit nga ospital ang solterito apang ginbawian man ini sang kabuhi.

Sa karon, padayon pa ang imbestigasyon sa nasambit nga insidente.