ROXAS CITY – Patay ang 16-anyos nga solterito matapos nga malumos sang nagpaligo sa busay sa boundary sang Barangay Agcococ kag Barangay Artuz, Tapaz, Capiz.
Ginkilala ang biktima nga si alyas Albert, Grade 7 student sang Sitio Mawang, Barangay Candelaria, Tapaz.
Ba-se sa inisyal nga imbestigasyon ni Police Senior Master Sergeant Rocer Garde, imbestigador sang Tapaz PNP nagaguwa nga nagpadulong ang biktima kaupod ang mga abyan sa Pangilasan Falls para maligo.
Isa isa sila nga naglumpat sa busay apang ginkatingala nga wala nakabutwa sa tubig si alyas Albert.
Nagpangayo sang bulig ang mga kaupdanan sang biktima sa Municipal Disaster Risk Reduction and Management Office Tapaz nga gilayon nagresponde sa lugar.
Samtang wala nadugayan nakita ang bangkay sang solterito nga nagalutaw.
Sa karon yara na sa punerarya ang bangkay ni Alyas Albert.
