ROXAS CITY – Padayon sa karon nga gina-obserbahan sa Roxas Memorial Provincial Hospital ang 18-anyos nga soltero matapos aksidente nga nakatulon sang puyo nga isda sa Barangay San Ramon, Pilar, Capiz.
Ginkilala ang biktima kay alyas Junjun, residente sang nasambit man nga lugar.
Ba-se sa inisyal nga imbestigasyon, nagapangdakop sang isda ang biktima sang nakit-an sini nga nag-awas sa iya nga balde ang iya nadakpan nga batod.
Didto kag ginkagat ni alyas Junjun gamit ang iya bibig ang iya gina-uyatan nga puyo apang nakibot sang aksidente sini nga natulon ang nasambit nga puyo.
Gilayon ginpadangat sa ospital ang biktima bangud sa ginbatyag sini nga pagpalanakit sang tutunlan.
Gilayon ginpaidalom sa X-Ray ang biktima kag padayon sa karon nga gina-obserbahan.
