ROXAS CITY – Karsel ang ginsudlan sang 23-anyos nga binata matapos maaresto sang gintingub nga pwersa sang Provincial Drug Enforcement Unit (PDEU) kag Pontevedra PNP sa Barangay Tacas, Pontevedra, Capiz.
Ginkilala ang suspek nga si Chander Paul Decaro sang Barangay Tacas, Pontevedra.
Narekober sa posesyon sang suspek ang walo ka sachet sang shabu kag marked money
na P1.000.
Aminado si Decaro nga nagagamit kag nagaduso ini sang droga, para matustusan ang kinahanglanon.
Gin-ako man sang suspek nga may plano ini nga mag-eskwela sang kurso nga Criminology, bangud handum sini nga mangin isa ka pulis sa pila ka adlaw.
Apang sa iya pagkalulong sa iligal nga droga, imposible nga matabo ang handum sini nga mangin isa ka pulis sa pila ka adlaw.
Sa karon ginapreparar na ang panumbungon nga paglapas sa RA 9165 ukon Comprehensive Dangerous Drugs Act of 2002 batuk kay Decaro
