ROXAS CITY— Tuman ang kasubo sang pamilya sang isa ka lalaki matapos masapwan nga kalabera na lamang ini sa kagulangan sang Barangay Buri, Tapaz, Capiz.
Ginkilala ang biktima nga si Joshua Camarig, 23-anyos residente sang nasambit nga ugar.
Suno sa mga otoridad nga isa ka tuig nga nadula ang biktima matapos naglayas sa ila nga puluy-an bangud sa kalain sang buot sa iya nga pamilya.
Nahibaluan nga nasapwan sang isa ka lalaki nga nagapangdakup sang pispis ang balabera ni Camarig sa kagulangan kag gilayon sini nga ginreport sa istasyon sang pulisya.
Positibo naman nga ginkilala ang biktima sang iya amay bangud sa ginasuksok nga bayo kag gamit nga nakuha sa kilid sang balabera.
Kumbinsido ang pamilya sini nga nagpanginmatay ang ila himata bangud sa nakita nga pisi nga ginhigot sa kahoy kag nagaangut sa liog sang biktima.
