ROXAS CITY – Nagpanginwala pinaagi sa pagbitay sa kaugalingon gamit ang lubid ang 25-anyos nga soltero sa banwa sang Dao, probinsiya sang Capiz.
Ginkilala ang biktima nga si Ronel Diaz sang Barangay Daplas, Dao, Capiz
Sa interview sang Bombo Radyo Roxas sa imbestigador sang Dao Municipal Police Station nga si PO2 Micheal Aguiling, ginpahayag sini nga nakita ang biktima nga nakabitay sa puno sang mangga sang amay nga si Rogie Diaz.
Nagaguwa sa imbestigasyon sang pulisya nga antes nagpanginmatay ang biktima, may insedente sang Sabado nga gin-akigan ini sang iloy kag nagsunggod ang biktima kag wala nagpauli sa ila balay.
Liwat lamang nagbalik sa balay si Ronel sang Domingo nga adlaw kag ginsunog ang tanan nga gamit kag liwat nga naglakat.
Ginkakibot na lamang sang amay sang biktima sang makita ang anak nga nagabitay na sa puno sang mangga gamit ang lubid.
Samtang nagapati ang pamilya sang biktima nga wala sang foul play sa kamatayon sang ila nga anak kag desisyon sini nga tapuson ang iya nga kabuhi.
