ROXAS CITY -Patay ang 18-anyos nga soltero matapos luthangon sang isa ka security guard nga nagatrabaho sa isa ka manukan sa Barangay Pangabuan, sa banwa sang Jamindan, Capiz.
Ginpahayag nga nag-angkon sang siyam ka mga pilas sa lawas ang biktima nga si Jessie Gonzaga sang Poblacion Sur, Sigma, Capiz matapos luthangon ni Roy Danid 39-anyos sang Daan Norte, Tapaz.
Ba-se sa inisyal nga imbestigasyon sang Jamindan PNP nagainum sa tiyangge ang biktima kaupod ang duha ka mga abyan sang nag-abot ang suspek para magbakal sang sigarilyo.
Apang gin-alegar nga ginhaboy sang bato sang grupo sang biktima ang suspek nga nagresulta sa pagkumprontahanay tobtob ginluthang sini si Gonzaga.
Gilayon man nga nadakpan sang kapulisan ang suspek sa ginatrabahuan nga manukan.
Apang wala narekober ang armas luthang nga gingamit sang suspek.
