ROXAS CITY – Nagpanawagan ang grupo nga Anakpawis sa gobyerno nga i-deklara na ang state of calamity para mabuligan ang mga mangunguma nga apektado sang tig ilinit sa probinsiya sang Capiz.
Sa interview sang Bombo Radyo Roxas kay Angelo Orence, coordinator sang Anakpawis nga pila ka mga banwa sa probinsiya ang apektado sang dry spell sa diin 70-80 porsyento sang ila nga ulumhan ang tuman na ka mala ang duta kag indi na mahimo matamnan.
Suno kay Orence nga daku ang mabulig sang pondo nga ginpa-in sa mga apektado nga mga mangunguma nga indi na halos makakaon kag makabayad sa mga financier nga ila nga gina-utangan.
Ginkasubo pa sang mga mangunguma ang ginpalayag sang PAG-ASA nga posible nga sa bulan pa sang Agosto magatupa ang ulan.
Samtang, ginhangkat ni Orence ang mga opisyal sang gobyerno mangin ang mga nagapapili nga mga kandidato nga ipakita ang ila nga concern sa mga mangunguma.
