South Korean actor Song Jae-lim, nasapwan-patay

Nasapwan nga wala na sang kabuhi ang South Korean actor nga si Song Jae-lim.

Suno sa Seoul Seongdong police, nadiskubrehan sang iya nga abyan ang bangkay sang 39-anyos nga actor sa apartment sini.

Wala sang anuman nga ebedensiya sang foul play sa lawas sang biktima.

Ginbun-ag si Jae-lim sadtong 1985 kag nagsugod ang iya nga showbiz career sa pelikula nga “Actresses” sadtong 2009.

Nagsikat ini sa iya role bilang royal guard sadtong 2012 sa pelikula nga “Moon Embracing the Sun”.

Nagpatigayon na sang imbestigasyon ang mga otoridad angut sa nasambit nga insidente.