Ginadumilian nga makabiyahe sa iban nga pungsod si South Korean President Yoon Suk Yeol.
Kasunod ini sa plano sang prosecutor nga mapasakaan sang kaso nga insurrection bangud sa pagpatuman ni Pres. Yoon sang martial law sadtong nakaligad nga semana.
Apisar nakaluwas si Yoon sa impeachment vote sa parliamento nga ginapamunuan sang mga oposisyon indi sa gihapon masiguro ang iya posisyon.
Pagahinyuon sang mga kaalyado sini ang iya pagbiya sa puwesto kag suspendiron sa iya nga posisyon agud maprotektahan suno diri ang ila nga pungsod gikan sa tuman nga katalagman.
Matandaan nga nagresulta sang tuman nga kaakig gikan sa mga pumuluyo sang South Korea ang ginhimo nga pagdeklarar ni Yoon sang Martial Law kun sa diin nagpatigayon sang pagboto ang mga members of parliament sa National Assembly building para dulaon ang nasambit nga deklarasyon.
Matapos ang masobra anom ka oras, ginbawi ni Yoon ang deklarasyon kag gilayon ini nga nagpangayo sang pasaylo sa iya nga mga pumuluyo.
