Ginpasakaan sang kaso nga insurrection ang ginpahalin nga pangulo sang South Korea nga si Yoon Suk Yeol.
Ang nasambitan nga kaso bangud sa pagdeklarar sini sang martial law sadtong Disyembre.
Natabo ang pagpasaka sang kaso pila ka adlaw matapos nga balibaran sang korte ang hinyo sini may kaangtanan sa pagpalawig sang iya nga pagkapriso.
Nagakahulugan nga kinahanglan nga magdesisyon ang mga prosecutors kun ila nga pagapasakaan sang kaso ukon iga-release sa Lunes si Yoon.
Ginsuguran naman sang Constitutional Court ang pagplastar kun pormal nila nga pahalinon si Yoon bilang pangulo ukon ila nga igabalik sa pagkapangulo.
Matandaan nga sadtong Disyembre 3 sang gin-anunsiyo ni Yoon ang Martial Law bilang pagprotekta suno diri sa South Korea batuk sa mga ‘anti-state’ forces nga nakig-simpatiya sa North Korea.
Sa nasambit nga panahon nagapangatubang ang amu nga pungsod sa corruption scandals kag ang mga cabinet ministers ni Yoon ang ginapaidalom sa imbestigasyon.
