Ginkilala ni South Korean President Yoon Suk Yeol ang importante nga papel sang mga beterano nga Pilipino kag South Korean sang tyempo sang Korean War.
Parte sang state visit ni President Yoon sa pungsod ang paghalad sang bulak sa Korean War Memorial Pylon sa Libingan sang mga Bayani sa Taguig City.
Suno kay Philippine Army Spokesperson Col. Louie Dema-ala, ginkilala sa seremonya ang kaisugon kag sakripisyo sang mga myembro sang Philippine Expeditionary Force to Korea nga nagpakigbato kaupod ang mga suldado nga Koreano batuk sa pwersa sang North Korea kag Chinese People’s Volunteer Army sang Korean war.
Ginkilala man sang pamunuan sang Philippine Army ang importansya sang pagkilala sa mga beterano nga nagpakita sang ila kapag-on kag kaisog sang giyera.
Nag-abot kaina sa Malacañang si President Yoon para sa ila bilateral meeting ni Presidente Ferdinand Marcos Jr. subong nga adlaw.
Yara sa Pilipinas si President Yoon para sa iya duha ka adlaw nga state visit kadungan sang ika-75 anibersaryo sang pagtatag sang diplomatic ties sa tunga sang Pilipinas kag South Korea sadtong March 1949.
