Ginpanindugan ni Senate President Sherwin Gatchalian nga siya ang dapat magpreside sa impeachment trial ni Vice President Sara Duterte, suno sa Senate Rules of Procedure on Impeachment Trials.
Suno kay Gatchalian, maathag sa rules sang Senado nga ang Senate President ang nagapamuno sa impeachment trial, magluwas lang kon ang ginahukman amo ang Presidente sang Pilipinas.
Apang, ginpahayag niya nga may probisyon sa rules nga nagatugot sa mga senador-judges nga magboto kon gusto nila magtalana sang lain nga presiding officer, kun amo ini ang desisyon sang kadam-an, handa siya nga magsunod.
Ginpasalig man ni Gatchalian nga handa na ang Senado sa pagbukas sang impeachment trial sa Lunes.
Kumpleto na ang seguridad kag may backup nga suplay sang kuryente agud indi mapunggan ang pagpadayon sang hearing.
Ginalauman man nga makatambong ang tanan nga senador, lakip si Senate Minority Leader Alan Peter Cayetano.
