ROXAS CITY -Ginkompirmar ni Capiz Governor Esteban Evan Nonoy Contreras nga temporaryo nga igasuspender ang natalana nga special flights sang mga magapauli nga mga Capizeño subong nga adlaw.
Base sa interview sang Bombo Radyo kay Contreras ginpahayag sini nga temporaryo nga iga-suspender ang natalana nga special flights sa probinsiya humalin subong nga adlaw tubtob sa Biyernes kasunod sang mga nagpositibo nga mga LSIs kag mga repatriates sa COVID-19.
Ginpahayag ni Contreras nga kinahanglan nga preparahan sang mga kabanwahan ang mga tagsa ka mga quarantine facilities nga tiniran sang mga magapalauli nga mga Capizeño.
Magluwas diri, wala pa sang lugar nga tiniran ang mga magapalauli nga mga Capizeño gikan sa Metro Manila samtang ginahulat pa ang resulta sang ila nga tests.
Luyag ni Contreras nga may yara sila sang nadayunan nga lugar samtang ginahulat ang resulta sang ila mga test, kag pagkatapos sini, gilayon ini sila nga magpadulong sa airport agud malikawan nga malatnan sang COVID-19.
Samtang gin-athag ni Contreras nga padayon sa guihapon ang pagpapauli sang sang mga LSIs kag ROFs sa probinsiya.
