ROXAS CITY, CAPIZ- Nagapasalamat ang special winner sang One Two Panalo Part 24 Promo sa Bombo Radyo kag Star FM matapos mabunotan ang iya pangalan nga nagdaog sang P500 nga cash kag special limited edition nga bombo radyo AM/FM radio set.
Sa interview sang Bombo Radyo kay Azucena Vasquez, 69-anyos kag residente sang Barangay Ondoy, Ivisan, iya ginpahayag nga maggamit gid niya subong ang radyo bangud naga-ulan ulan nga posible mangin rason sang power interruption.
Ang nasambit nga radyo, rechargeable, may LED light, kag pwede man gamiton pinaagi sa battery.
Siya ang naggamit sang omega pain killer bilang proof of purchase.
Gin-agda man ni Vasquez ang iya mga kasilingan nga mag-intra sa promo sang Bombo Radyo kag Star FM kag maghulog sang madamo nga entries agud nga magdaog.
