Ginsigurado sang Department of Education (DepEd) ang kahandaan sini nga suportahan ang mga maununudlo nga Pilipino sa Middle East nga mahimo maapektuhan sang sitwasyon sa seguridad kag luyag nan ga makapauli sa pungsod.
Sa idalom sang programa nga Sa Pinas, Ikaw ang Ma’am at Sir (SPIMS), kaupod ang Department of Migrant Workers (DMW), ginhatagan sang maathag nga dalan ang mga lisensyado nga manunudlo nga OFW para makasulod sa pampubliko nga eskwelahan bilang Teacher I nga may permanente nga posisyon, kasunod sa naga-egsister nga qualification standards.
Suno kay Sonny Angara, bukas ang pirthana sang mga pampubliko nga buluthuan para sa mga manunudlo nga magapauli sa pungsod kag handa nga updan sang DepEd sa ila nga panibag-o nga tion sang pagpangalagad.
Ang SPIMS, ginapangunahan sang National Reintegration Center for OFWs sa idalom sang DMW, kaupod ang Commission on Higher Education kag Technical Education and Skills Development Authority, agud masigurado ang maayos nga reintegration sang mga OFW kag makabulig sa pagsabat sa kakulangan sang manunudlo sa pungsod.
