Ginapabugal sang Sugar Regulatory Administration ang mga reporma nga ginpatuman sini sa nakaligad nga apat ka tuig agud mapasiguro ang nagakaigo nga supply kag malig-on nga presyo sang kalamay sa pungsod.
Ang mga tikang nagalakip sang pag-alokar sang tanan nga lokal nga produksyon para sa domestic market, pagbag-o sang cropping calendar sang tubo, kag pagpugong sang regulasyon sa alternative sweeteners kag molasses.
Nagpanagtag man ang ahensya sang mga traktora kag iban pa nga makinarya pang-agrikultura sa mga kooperatiba kag asosasyon sang mga mangunguma.
Suno kay Pablo Luis Azcona, ang tinutuyo sang sini nga mga reporma amo ang pagpabaskog sang industriya sang kalamay batok sa mga epekto sang climate change kag mga pagbag-o sa pangkalibutanon nga merkado.
