Nagpahanumdom ang state-run pension fund nga Social Security System (SSS) nga mahimu mag-avail sang salary kag pension loans ang mga miyembro kag pensioner nga apektado sang pagpanalasa sang bagyong Kristine.
Suno sa pension fund, mahimu nga mag-apply ang SSS members sang loan kung nakahulog sang kontribusyon sa sulod sang 36 ka bulan, kun sa diin ang 6 diri amo sa loob sang ulihi nga 12 ka bulan.
Kun luyag naman nga mag-avail sang 2 bulan nga salary loan, kinahanglan nga nakahulog sang 72 ka kontribusyon.
Kinahanglan man nga yara sa edad nga 65 anyos pagnubo sa oras nga nag-apply sang loan kag wala pa nahatagan sang anuman nga pinal nga benepisyon kasubong sang total disability, retirement ukon death benefits.
Para naman sa mga retiree-pensioners, mahimu nga mag-apply para sa SSS pension loan nga kabaylo sang 3 tubtob 12 ka beses sang ila basic monthly pension kalakip na ang P1,000 nga dugang nga benepisyo apang indi magsubra sa maximum nga P200,000.
