ROXAS CITY – Nagpahanumdom ang Social Security System (SSS) sa mga employer nga kinahanglan nila nga ipa-rehistro ang ila mga empleyado sa ahensya agud makaangkon sang benepisyo.
Sa interview sang Bombo Radyo kay Mr. Amiel Genova sang SSS-Iloilo Branch, ginsiling sini nga mandato sa layi nga responsibilidad sang employer nga buhinan ang sweldo sang ila trabahante para sa SSS contribution.
Dugang pa diri, nga indi mahimo ang 50-50 nga paghulog, kaangay sa 50% ang kay employer kag 50% sa employee, bisan pa nga may kasugtanan sila sang empleyado.
Dapat, suno diri nga 8.5% ang share sang employer samtang 4.5% share naman sa empleyado.
Apisar nga isa lang ang trabahante sang isa ka negosyante, nagakadapat nga may contribution ini sa SSS, agud nga sa ulihi may yara ini sang mapalapitan ilabi na sa tion sang emerhensiya.
Paalinton ni Genova sa mga empleyado nga indi na paghulaton nga mapasakaan pa sila sang kaso bangud sa indi paghulog sang SSS sang ila empleyado, bangud may yara na sang mga nasampulan sa kaangay nga bulohaton.
Sa mga empleyado naman nga wala ginahulogan sang ila employer ukon kompaniya ang ila nga SSS contribution, indi magkahadlok nga i-report sa ila talatapan agud mapaagi sa legal nga proseso.
