SSS R.A.C.E. Team, nagpadulong sa mga establisiyemento sa syudad agud magpahanumdom sa mga employer nga bayadan sang insakto ang kontribusyon sang ila trabahante

ROXAS CITY – Nagpatigayon sang pagtsekyar ang hubon sang Run After Contribution Evader (RACE) team sang Social Security System (SSS) sa pili nga mga establisiyemento sa syudad sang Roxas, agud magpahanumdom sa mga employer nga dapat bayaran sang mga ini ang benepisyo sang ila mga empleyado.

Ginpahayag nga may anum ka mga edipisyo ang ila ginpadulongan subong nga adlaw sang Biyernes.

Nahibaluan nga ini nga programa ang tuigan nga bulohaton sang R.A.C.E. team kag ginapatigayon man ini sa bug-os nga Rehiyon 6.