Nagakinahanglan sang dugang nga pondo ang pamunuan sang Sta. Monica Church sa banwa sang Panay, Capiz agud ma-preserve ang istruktura sini.
Sa interview sang Bombo Radyo kay Panay Mayor Jonathan Besa, iya ginpahayag nga recipient ang nasambit nga simbahan sa Commission on the culture and the Arts para sa rehabilitation nga nagabalor sang P3.5 million kag dugang nga P500,000 gikan naman sa local government sang banwa sang Panay.
Suno kay Besa, nag-request man ini sang dugang nga P200 million sa Tourism Infrastructure and Enterprise Zone Authority (TIEZA) para sa kabug-usan nga rehabilitation sa sulod kag guwa sang simbahan.
Nahibaluan nga nagdonate man subong nga tuig si Dr. Rogelio M. Florete, Chairman sang Florete group of companies sang P500,000 para sa nasambit nga simbahan.
Nagalaum man ang natungdan nga matigayon na ang pag-rehabilitate sang makasaysayan nga Sta. Monica Church nga isa ka tourist destination kag heritage site sang probinsya sang Capiz.
