Lain-lain ang panan-aw sang mga NBA analysts sa kun sin-o ang posible nga magahampang sa starting-5 sang Team USA sa 5×5 Men’s basketball sa Paris Olympics.
Ginakabug-usan ang nasambit nga grupo sang pinakamayad nga NBA players kasubong nanday Lebron James, Stephen Curry, Kevin Durant, kag Kawhi Leonard kag iban pa nga mga mayad nga atleta.
Madamu sa mga NBA analysts ang naghatag na sang ila listahan para sa starting five kun sa diin pila sa mga nangin gina-basehan amo ang edad sang mga players, flexibility sa posisyon, NBA record, kag ang chemistry sa tunga sang mga ini.
Kalakip sa mga paborito nga mauna sa court kag magabug-os sa starting 5 amo ang duha ka 4-time NBA champion nga sanday Lebron James kag Stephen Curry nga madugay na nga panahon nga magkaribal sa mga Finals games.
Mahimo naman nga maghampang si Lebron bilang power forward kag point guard naman si Steph.
Sunod sa duha amo ang duha ka bigman nga sanday Kevin Durant kag Joel Embiid.
Si Durant ang 2-time NBA champion apang sa karon naga-eksperyensya sang pagpalanakit sa iya paa.
Anay man nga ginkilala soi Embiid bilang MVP.
Kun makaupod ang duha sa starting 5, mahimo nga makahampang bilang sentro si Durant samtang forward si Embiid.
