ROXAS CITY – Ginapreparahan sa karon sang mga residente sa South Carolina, USA ang pag-abot sang hurricane Irma sa ila nga lugar.
Sa interview sang Bombo Radyo Roxas kay Reynan Dumalaon, isa ka manunudlo nga naba-se sa South Carolina, ginpahayag sini nga bilang preparasyon sang mga tawo sa pag-abot sang bagyo nagsugod na sila sang pagtago sang mga pagkaon, tubig kag iban pa nga kinahanglanon sa ila nga balay.
Ginpatuman man ang state of emergency sa South Carolina, bilang preperasyon sa maabot nga bagyo Irma nga ginalauman magadala sang mabaskog nga pag-ulan kag pagbaha.
Subongman sa Florida nha nagpatuman na sang mandatory evacuation para masiguro nga indi mabutang sa peligro ang kabuhi sang mga tawo.
Samtang naka-standby na ang mga rescue team para magbulig sa magakinahanglan.
Nahibaluan nga magluwas sa bagyo kag pagbaha nahadluk man ang mga tawo sa Amerika sa buhawi bangud madamo na nga kabalayan kag salakyan ang ginwasak sini.
