Station head sang courier sang isa ka online shop, ginkawatan sang wala matumod nga suspek

IVISAN,CAPIZ – Nagapadayon sa karon ang imbestigasyon sang mga kapulisan natuhoy sa nagluntad nga pagpangawat sa isa ka courier sang isa ka online shop sa Barangay Sta. Cruz, Ivisan, Capiz.

Suno sa tagreklamo nga si Mark Jayson Devilles, 28 anyos, station head sang amo nga courier kag residente sang Barangay Mianay, Sigma, Capiz sa diin ginaalegar nga madamo sang items nga iga-deliver kuntani ang nataban sang wala matumod nga suspek lakip na ang isa ka laptop.

Sa karon, wala pa sang fixed amount kun pila ang kabug-osan nga balor sang mga ginkawat nga items.

Samtang, padayon naman nga ginaayam sang mga kapulisan ang suspek nga responsable sa nasambit nga insidente.