Dalagita nga ginaalegar ginhimuslan sang stepfather, nakitaan sang laceration sa iya kinatawo

ROXAS CITY – Nakitaan sang laceration sa kinatawo ang 10 ka tuig nga dalagita nga ginaalegar ginhimuslan sang kaugalingon sini nga stepfather sa Barangay Manayupit, Maayon, Capiz.

Suno sa iloy ni alyas Nene nga mismo ang anak sini ang nagsugid sa iya angut sa ginhimo nga ginaalegar pagpanghimulos sang stepfather sini nga si Oliver Solis Jr.

Suno kay alyas Nene, ginaalegar nga ginkadtuan siya sang suspek sa iya nga kwarto kag didto na ini ginhimuslan.

Magluwas pa diri, ginaalegar nga gindala pa sang suspek ang biktima sa CR kag didto liwat nga ginhimuslan ang dalagita.

Dugang pa diri nga ginaalegar ginpahog pa ni Solis ang anak nga may matabo nga malain sa ila nga mag-iloy pananglitan magsugid ini angut sa natabo.