Liwat nga naghimu sang kasaysayan si NBA superstar Stephen Curry sa kadalag-an sang Golden State Warriors batuk Milwaukee Bucks, sa iskor nga125 – 111.
Sa nasambit nga hampang nakakuha si Curry sang 38 big points kag anom ka rebounds.
Ini ang ika-apat nga sunod nga 30-point game ni Steph.
Bangud diri, paga-updan ni Curry sanday LeBron James, Michael Jordan, kag Karl Malone bilang mga player sa NBA nga may edad nga 36 pataas nga naghimu sang apat ka sunod nga 30-point game.
Nakapasulod si Curry sang 12 shots halin sa 24 shots nga ginbuy-an.
Anom diri ang may mga 3-pointers. Gina-awardan si Curry sang siyam ka free throw sa kabug-usan sang hampang kag walo ang nahimu niya nga nasulod.
Samtang, sa ikaduha nga hampang ni Jimmy Butler sa GS, nahimu niya nga makakuha sang 20 points kag siyam ka rebounds. 16 points naman ang ginpasulod sang shooter nga si Buddy Hield.
