-- ADVERTISEMENT --
ROXAS CITY – Totally burned ang isa ka stockroom nga nagaserbi canteen sang Rufina Andrada Santos Memorial School sa Barangay 7 Roxas City, matapos nga gintupok ini sang kalayo subong nga hapon.
Sa impormasyon nga nakuha sang Bombo Radyo sa isa ka manunudlo, ginpahayag nga nakit-an na lamang nila nga nagadaba-daba na sang kalayo ang amu nga hulot.
Bangud sini, gilayon nga nagresponde ang katapo sang Roxas City Fire Station agud matigayon nga mapalong ang amu nga sunog.
Sa karun padayon pa nga ginahibalo sang BFP-Roxas kun anu ang gintunaan kag pila ang nangin kahalitan sang nagluntad nga sunog.
