Arestado ang isa ka Street Level individual ukon “SLI” ginpatigayon nga drug buy-bust operation sa Barangay Poblacion Ilaya, Panitan Capiz.
Ang arestado amo si alias Jepjep, 31-anyos, kag residente sang nasambit nga lugar.
Sa interview sang Bombo Radyo kay Police Captain Ronald F. Ton-ogan, Officer in Charge sang Panitan Municipal Police Station, iya ginpahayag nga nakuha sa paghinakop sa arestado ang tatlo ka sachet sang suspected shabu nga may kabug-aton nga 15 grams.
Suno kay Ton-ogan, na-recover man sa arestado ang .38 revolver nga armas luthang.
Sa subong, preso na ini sa Panitan Municipal Police Station kag magapangatubang sa kaso nga paglapas sa Republic Act No. 10591 ukon Comprehensive Firearms and Ammunition Regulation Act kag Republic Act 9165 ukon Comprehensive Dangerous Drugs Act of 2002.
