Arestado ang isa lalaki sa ginpatigayon nga drug buy bust operation sa Barangay Agdalipe, Pontevedra, Capiz.
Ang arestado amo si alyas “Vince”, Street Level individual, residente sang Barangay Tacas sa amo nga banwa.
Sa interview sang Bombo Radyo kay Police Captain Mark Anthony Garcia, Officer in-charge sang Pontevedra Munucipal Police Station, iya ginpahayag nga nakuha sa paghinakup sang subject person ang anum tanan ka sachets sang suspected shabu nga ginabanta nagabug-at sang 25 grams kag may standard drug price nga P170,000.
Suno kay Garcia, nga ang arestado ang madugay na nga ginamonitor sang mga otoridad.
Sa subong preson na ini sa Pontevedra Munucipal Police Station kag magapangatubang sang kaso nga paglapas sa RA 9165 ukon ang Comprehensive Dangerous Drugs Act of 2002.
